Viðlíkahald av vogni

bannari_til_heimasidu_6.png

Tín vognur tørvar regluliga røkt og eftirlit. Vit viðmæla at tú fært gjørt eftirlit og fylgir vegleiðingini í bókini, av tí at hendan vegleiðing er við til at halda góðskuna og minska um slitið av vogninum. Set teg altíð í samband við eitt góðkent Emmaljunga sølufólk. Eftir hvørt eftirlit fært tú eina góðkenning av vogninum saman við einum stempli í bókina.

Áðrenn vognurin fer frá framleiðsluni hjá Emmaljunga verður hann gjølla testaður og kannaður. Síðan verður vognurin aftur kannaður áðrenn hann verður veittur tær, fyri at tryggja sær at vognurin fyllur øll tryggheits- og góðskukrøv. Umframt hesar kanningar er tað umráðandi at tú sum eigari av vogni fær tey neyðugu eftirlitini, sum eru 6, 12 og 24 mánaðir.

Vanligt viðlíkahald av vogni
- Set aldrin vognin út í sterkt sólarljós í ov langa tíð. Hetta er við til at litfara vognin.
- Nýt altíð regnslag, tá tað regnar ella kavar.
- Goym aldrin vognin í køldum ella ráum støðum.
- Turka altíð eftir stellinum, tá tú hevur verið úti í ráligum veðrið. Syrg eisini fyri at vognurin er turrur, tá hann skal goymast burtur.
- Vaska og turka stellið áðrenn tú stillar tað inn, um tú hevur verið tætt við saltsjógv ella trilla á saltaðum vegi ella gongubreyt.
- Ver varðin við flyting og goymslu av vogni. Tað uttasta á stellinum er viðbreki. Skøvur sum koma eftir keyp koma ikki undir reklamatión.

Regluligt eftirlit - heima
- Reinger regluliga stell og aðrar metaldeilir á vogninum - turka síðan eftir teimum og smyr øll lið og nittir. (Tú kann eitt nú nýta Tefflon spray)
- Stell, felgur og eger á øllum hjólum skal við jøvnum millumbilum vaskast við heitum vatni og síðan turkast við einum turrum klúti. Hetta burdi verið gjørt 1-2 ferðir um mánaðin. Verður vognurin nýttur í veðraveðri er neyðugt at gera hetta einaferð um vikuna.
- Reinger akslarnar, turka síðan akslarnar við einum turrum klúti.

Eftirlit & verkstaður av góðkendum sølufólki

Vit hava eftirlits- og verkstaðsdag hvønn fríggjamorgun kl 09:00 (Tak hædd fyri ferðium o.ø.). Vit taka bert 4 vognar inn av gangin, og tískil er umráðandi at hava í huga, at tað kann vera bíðitíð. Er tað onkur deilur, ið skal skiftast kann tað vera eyka bíðitíð, um deilurin skal bíleggjast.

Tá tú bíleggur tíð til eftirlit ella verkstað, upplýs okkum um
-
Navn
- Telefon-nummar
- Slag av vogni
- Slag av sýn (6, 12 ella 24 mánaðir) ella hvat tað er sum skal gerast
- Viðmerk um tað er okkurt ávíst vit skulu hyggja eftir á vogninum

Tá tú kemur til eftirlit við tínum vogni
- Tað er bert neyðugt at hava stell og yvirdeil við
- Tað er umráðandi at hava bókina og keypsprógv (købsbevis) við
- Um keypsprógvi ikki er við, kostar eitt eftirlit 150,-
- Er vognurin eldri enn 2 ár kostar eitt eftirlit 250,-

Ynskir tú at bíleggja tíð til eftirlit ella verkstað ert tú vælkomin at seta teg í samband við okkum umvegis
- Telefon: 319088
- Teldupost: voggan@voggan.fo
- Facebook: Vøggan

Fylg okkum