Bílegging av vogni

Ynskir tú at bíleggja vogn frá okkum, er tað ógvuliga smart á støkka inn á gólvið, soleiðis at vit fáa vegleitt tykkum á bestan hátt. Tað ber eisini til umvegis telefon, men vandin fyri misskiljing er stórur.

Áðrenn tú bíleggur vogn
Ger tær nakrar tankar, um hvat tað er fyri vognur tú/tit kundu tonkt tykkum. Hvørjar hentleikar skal vognurin hava, hvat eiga tit áðrenn, og hvørjum hava tit tørv á afturat tí. Hetta ger tað lættari fyri bæði teg og okkum sum sølufólk, at vegleiða teg til júst tað tú/tit hevur/hava tørv á.

Hav í huga
Umráðandi er at hava í huga, at vognarnir sjáldan eru á goymslu, og skulu tískil bíleggjast. Hetta kann taka nakrar vikur, og tí ræður um at vera í góðari tíð áðrenn vognurin skal takast í brúk. Vit plaga at siga 3 mánaðir áðrenn termin.

Tá tú bíleggur vogn
Eru tað fleiri ting, ið tit hava tørv á, umframt vognin, so eru tit vælkomin at støkka inn á gólvið til vegleiðing ella senda ein teldupost til info@voggan.fo við listanum av vørum, sum tú/tit kundu tonkt tykkum. Tá tit hava gjørt hetta snikka vit tær/tykkum eitt tilboð saman, og venda aftur skjótast tilber.

Emmaljunga: https://emmaljunga.com/da
Cybex: https://cybex-online.com/da-dk
Basson: http://basson.dk/
Babytrold: https://www.babytrold.dk/shop/vogne-593s1.html

Fylg okkum